五彩戰隊

每當地球受到邪魔嘅威脅，正義嘅化身「五彩戰隊」就會出現，保護地球！

紅戰士：茄茄俠。特點：聰明機智。絕招：大眼電光、愛心飛吻。

黃戰士：雨點俠。特點：活潑好動。絕招：笑聲炸彈、極速移動。

藍戰士：三包米俠。特點：非常穩重。絕招：泰山壓頂、獅哮功。

粉紅戰士：米B俠。特點：嬌肖可人。絕招：可愛電波。

綠戰士：節瓜俠。特點：沈著應變。絕招：節瓜飛拳。

現今地球受到邪惡嘅「雷曼兄弟」所破壞，生態環境產生嚴重變化，海嘯直捲全球。為咗保護家園，「五彩戰隊」又再出動，開住五架戰車出嚟商討對策。

黃戰士：「節瓜俠，你對住邊個笑成咁呀？」

綠戰士：「唔好嘈啦！你睇唔到米B俠後邊喺邊個咩？我行緊外父政策呀。」

黃戰士：「媽媽，節瓜俠出茅招同我爭女仔呀！」

紅戰士：「大家認真啲！我地今日嚟，係要諗下點救萬民於水火㗎。爸爸媽媽食粥食飯都係靠我地㗎啦！唔好掛住玩呀！」

紅戰士：「好… 講番我地今日嘅議題…」

「節瓜俠！」

紅戰士：「節瓜俠！你好唔專心開會呀！想唔想試下我『蒙特梭利電光鑽』呀？」（表情非常兇狠…）

綠戰士：「對唔住！對唔住！家族遺傳。」

紅戰士：「咁好啦。各位留心聽我講…」

「…要飲，就要飲『妒忌』綠茶！」

「哦…」

「今日到此為止。散會！」

地球危機，憑五位戰士嘅滿腔熱誠，最後到底化唔化解到呢？欲知後事如何，我都唔知點寫落去。大家自己諗下啦。嘩哈哈哈…

「媽媽，呢啲係唔係叫做爛尾呀？」

「冇錯。三包米俠，千祈唔好學呀！」

~ Lindberg